Thursday, June 17, 2021
Home Events សិក្ខាសាលាផ្សព្វផ្យាយអំពីការអនុវត្តន៍ក្របខ័ណ្ឌគុណវុឌ្ឍិជាតិ និង ការធានាគុណភាពអប់រំឧត្តមសិក្សារបស់បណ្ដាប្រទេសសមាជិក CLMV (Cambodia, Lao PDR, Myanmar, Vietnam )

សិក្ខាសាលាផ្សព្វផ្យាយអំពីការអនុវត្តន៍ក្របខ័ណ្ឌគុណវុឌ្ឍិជាតិ និង ការធានាគុណភាពអប់រំឧត្តមសិក្សារបស់បណ្ដាប្រទេសសមាជិក CLMV (Cambodia, Lao PDR, Myanmar, Vietnam )

គណៈកម្មាធិការទទួលស្គាល់គុណភាពអប់រំនៃកម្ពុជា (គទក) នៃក្រសួងអប់រំ យុវជន និង កីឡា បានរៀបចំសិក្ខាសាលាអំពីការអនុវត្តន៍ក្របខ័ណ្ឌគុណវុឌ្ឍិជាតិ និង ការធានាគុណភាពអប់រំឧត្តមសិក្សារបស់បណ្ដាប្រទេសសមាជិក CLMV (Cambodia, Lao PDR, Myanmar, Vietnam ) ថ្ងៃទី១៤-១៥ ខែមករា ២០២១ នៅខេត្តសៀមរាប។

គោលបំណងនៃសិក្ខាសាលានេះគឺដើម្បីផ្តល់ចំណេះដឹងដល់គ្រឹះស្ថានឧត្តមសិក្សា អំពីស្ថានភាពនៃការអនុវត្តន៍ក្របខ័ណ្ឌគុណវុឌ្ឍិជាតិ និងការធានាគុណភាពអប់រំឧត្តមសិក្សាលើកម្មវិធីអប់រំជំនាញហិរញវត្ថុ វិស្វកម្មស៊ីវិល និង កសិកម្ម (ផ្នែកចំណីអាហារ) នៅតាមប្រទេស CLMV សម្រាប់ការកែលម្អកម្មវិធីសិក្សាទាំងបីជំនាញ និង ប្រព័ន្ធធានាគុណភាពផ្ទៃក្នុង(IQA) របស់គ្រឹះស្ថានឧត្តមសិក្សា។

សិក្ខាសាលានេះស្ថិតក្រោមអធិបតីភាព ឯកឧត្តមបណ្ឌិត ទូច វិសាលសុខ រដ្ឋលេខាធិការក្រសួងអប់រំ យុវជន និង កីឡា តំណាង ឯកឧត្តមបណ្ឌិតសភាចារ្យ ហង់ ជួន ណារ៉ុន រដ្ឋមន្រី្តក្រសួងអប់រំ យុវជន និង កីឡា  ឯកឧត្តម សុខ សូកេន រដ្ឋលេខាធិការក្រសួងការបរទេសនិងសហប្រតិបត្តិការអន្តរជាតិ និង លោក LUI ZHIJIE ជាអគ្គកុងស៊ុលប្រចាំខេត្តសៀមរាប តំណាងស្ថានទូតនៃសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា ហើយមានការចូលរួមពីថ្នាក់ដឹកនាំនិងមន្រ្តីនៃអគ្គលេខាធិការដ្ឋាន គទក ព្រមទាំងតំណាងគ្រឹះស្ថានឧត្តមសិក្សានៅកម្ពុជា។ សិក្ខាសាលានេះត្រូវបានរៀបចំឡើងក្រោមការជួយឧបត្ថម្ភដោយមូលនិធិពិសេស មេគង្គ-ឡានឆាង របស់សាធារណរដ្ឋប្រជាមានិតចិន។

ជាកិច្ចចាប់ផ្ដើម ឯកឧត្តម សុខ សូកេន បានផ្តល់មតិស្វាគមន៍ហើយបញ្ជាក់អំពីសារៈសំខាន់នៃមូលនិធិពិសេស មេគង្គ-ឡានឆាង សម្រាប់ការអភិវឌ្ឍន៍ប្រទេសសមាជិក CLMV ពិសេសប្រទេសកម្ពុជា ដែលទទួលបានគម្រោងយ៉ាងច្រើនដែលក្នុងនោះគណៈកម្មាធិការទទួលស្គាល់គុណភាពអប់រំនៃកម្ពុជាជាផ្នែកមួយនៃគម្រោង។

ឆ្លើយតបទៅនឹងមតិស្វាគមន៍ប្រកបដោយអត្ថន័យដ៏ជ្រាលជ្រៅ ឯកឧត្តមបណ្ឌិត ទូច វិសាលសុខ បានបញ្ជាក់បន្ថែមអំពីសារៈសំខាន់នៃគម្រោងស្រាវជ្រាវនិងការប្រើប្រាស់លទ្ធផលនៃការស្រាវជ្រាវ ដែលជាមូលដ្ឋានគ្រឹះសម្រាប់ពង្រឹងការអនុវត្តន៍ក្របខ័ណ្ឌគុណវឌ្ឍិជាតិ និងកែលម្អប្រព័ន្ធធានាគុណភាពអប់រំឧត្តមសិក្សារបស់ប្រទេសនីមួយៗ។ ឆ្លៀតក្នុងឱកាសនោះ ឯកឧត្តមបានថ្លែងអំណរគុណជាអនេកចំពោះរដ្ឋាភិបាលនៃសាធារណរដ្ឋប្រជាមានិតចិនដែលបានជួយឧបត្ថម្ភមូលនិធិសម្រាប់គម្រោងស្រាវជ្រាវដ៏មានសារៈសំខាន់នេះ និង គាំទ្រដោយរាជរដ្ឋាភិបាលកម្ពុជាដែលមានក្រសួងការបរទេសនិងសហប្រតិបត្តិការអន្តរជាតិជាសេនាធិការ។

Most Popular

សិក្ខាសាលាផ្សព្វផ្យាយអំពីការអនុវត្តន៍ក្របខ័ណ្ឌគុណវុឌ្ឍិជាតិ និង ការធានាគុណភាពអប់រំឧត្តមសិក្សារបស់បណ្ដាប្រទេសសមាជិក CLMV (Cambodia, Lao PDR, Myanmar, Vietnam )

គណៈកម្មាធិការទទួលស្គាល់គុណភាពអប់រំនៃកម្ពុជា (គទក) នៃក្រសួងអប់រំ យុវជន និង កីឡា បានរៀបចំសិក្ខាសាលាអំពីការអនុវត្តន៍ក្របខ័ណ្ឌគុណវុឌ្ឍិជាតិ និង ការធានាគុណភាពអប់រំឧត្តមសិក្សារបស់បណ្ដាប្រទេសសមាជិក CLMV (Cambodia, Lao PDR, Myanmar, Vietnam ) ថ្ងៃទី១៤-១៥ ខែមករា ២០២១ នៅខេត្តសៀមរាប។ គោលបំណងនៃសិក្ខាសាលានេះគឺដើម្បីផ្តល់ចំណេះដឹងដល់គ្រឹះស្ថានឧត្តមសិក្សា អំពីស្ថានភាពនៃការអនុវត្តន៍ក្របខ័ណ្ឌគុណវុឌ្ឍិជាតិ និងការធានាគុណភាពអប់រំឧត្តមសិក្សាលើកម្មវិធីអប់រំជំនាញហិរញវត្ថុ វិស្វកម្មស៊ីវិល និង...

ពិធីថ្លែងអំណរគុណ ជូនចំពោះក្រុមហ៊ុនរៀលលាននែរ ឯ.ក

រាជធានីភ្នំពេញ÷ ថ្ងៃចន្ទទី១ ខែមិថុនា ឆ្នាំ២០២០ នៅអគ្គលេខាធិការដ្ឋាននៃគណៈកម្មាធិការទទួលស្គាល់គុណភាពអប់រំនៃកម្ពុជា បានរៀបចំពិធីថ្លែងអំណរគុណជូនចំពោះក្រុមហ៊ុនរៀលលាននែរ ឯ.កដែលបានរៀបចំសាលប្រជុំ និង ទូដាក់ភេសជ្ជៈក្រោមអធិបតីភាព ឯកឧត្តមបណ្ឌិត រស់ សុវាចា អគ្គលេខាធិការនៃគណៈកម្មាធិការទទួលស្គាល់គុណភាពអប់រំនៃកម្ពុជា និង លោកគុយ ប៉ាន់ឆ័យ អគ្គនាយកក្រុមហ៊ុនរៀលលាននែរ ឯ.ក ។

អគ្គលេខាធិការដ្ឋាន គ.ទ.ក. បានរៀបចំកិច្ចប្រជុំអបអរសាទរទិវាសិទ្ធនារី ០៨ មីនា ២០២០

ភ្នំពេញ៖ អគ្គលេខាធិការដ្ឋាន គ.ទ.ក. បានរៀបចំកិច្ចប្រជុំថ្នាក់ដឹកនាំនិងមន្ត្រីនៅថ្ងៃទី០៥ ខែមីនា ឆ្នាំ២០២០ នៅវេលាម៉ោង ៨:៣០ នាទីព្រឹក។ របៀបវារៈដូចខាងក្រោម៖ - អបអរសាទរទិវាសិទ្ធនារី ០៨ មីនា ២០២០ - ធ្វើបច្ចុប្បន្នភាពការងាររបស់អគ្គលេខាធិការដ្ឋាន គ.ទ.ក. - សមិទ្ធិផលការងាររបស់នាយកដ្ឋាននីមួយៗ (សមិទ្ធិផលការងារខែមករា និងខែកុម្ភៈ ឆ្នាំ២០២០) និងការរៀបចំផែនការងារសម្រាប់ខែមីនា ឆ្នាំ២០២០ - និងផ្សេងៗ។

ពិធីប្រកាសចូលកាន់តំណែងអគ្គលេខាធិការគណៈកម្មាធិការទទួលស្គាល់គុណភាពអប់រំនៃកម្ពុជា (ACC)

រាជធានីភ្នំពេញ៖ ឯកឧត្ដម រស់ សុវាចា អ្នកនាំពាក្យក្រសួងអប់រំ យុវជន និងកីឡា ត្រូវបានថ្នាក់ដឹកនាំក្រសួងអប់រំ យុវជន និងកីឡា ផ្ដល់ទំនុកចិត្តតែងតាំងជាអគ្គលេខាធិការគណៈកម្មាធិការទទួលស្គាល់គុណភាពអប់រំនៃកម្ពុជា ហៅកាត់ថា ACC។ ពិធីនេះបានប្រព្រឹត្តទៅក្រោមអធិបតីភាពឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា។ ក្នុងឱកាសនោះឯកឧត្ដមរដ្ឋមន្ត្រីបានមានប្រសាសន៍ថា គណៈកម្មការ ACC ដើរតួនាទីសំខាន់ណាស់ក្នុងការពង្រឹងគុណភាពវិស័យអប់រំកម្រិតឧត្ដមសិក្សានៅកម្ពុជា។ ជាមួយគ្នានេះ ឯកឧត្ដមបានផ្ដាំផ្ញើថា...

Recent Comments